Pages

Tuesday, February 28, 2012

Muddato baad aaj use dekha to ...ye ehsas hua


Muddato baad aaj use dekha to ...ye ehsas hua …..
Ek  jamane me unse muhabbat hua kati thi
Barso maine khud ko samjhaya tha.. .. ki  wo b mujhpe marti thi…
Par shayad kehne se darti thi …..

Waqt ki dhoool me mera wo kachha pyar bhi  dhundhla ho gya
Aur mai kuch kar gujarne ki chah me kai kho gya …..
Aaj  mudato baad use dekha to ye ehsas hua…….
Ek jamane me unse muhabbat hua karti thi…

Ek pal ke liye waqt mano kai ruk sa gya  ….
Anjane hi mai pichli yaado ki  taraf  jhuk sa gya ….
Wo pehle pyar ka ehsaas hi kuch aur tha ….
Jispe  na to koi bandish thi …na umar ka jor tha ….
Wo uski ek  jhalak pane ko roj  school  ana..
Aur uske dekhne par aapni najre churana ….
Uske hi khyalo me pura din aur shame dhala karti thi….
Aaj mudato baad use dekha to ye ehsaas hua ….
Ek jamane me unse muhabbat hua karti thi…

Uske liye mai duniya bhulana chahta tha ….
Use bas aapna banana chahta tha ….
Bawra maan sapne bhi sajane laga tha …..
Aur ab mai kuch jada hi mushkurane laga tha ….
Yaad hai wo manjar jab mai fail hua tha
Use kho dene ke ehsaas ne pehli baar dil ko chua tha
Sham dhale dosto ne bataya tha .. …
Tera result sun kar wo roi thi ….
sare gam bhula kar khusi me maine bhi apni palke bhigoi thi..
Aaj mudato baad use dekha to ye ehsaas hua …..
Ek jamane me unse muhabbat hua karti thi….



khuli ankhon me kaid hai wo din ….jab uske bhai ne dhamkaya tha…
mere is bachpan ke najuk dil ko dhamkiyo se  daraya tha
tab  badki didi ne bhi pyar se samjaya tha …..
Usko bhool jao ….ye waqt nai hai tumhara is chakkar me padne ki…
Ye samay hai aage badhne ka ……
Nakamiyo ne mujhe tod diya tha ….rooh talak jhakjhor diya tha ..
Sab kuch bhoolana tha …ek naya” RAJ “ chalana tha …
Tab jakar maine apne khood ko pehchana tha …
Aaj mudato baad use dekha to ye ehsaas hua ….
Ek jamane me unse muhabbat hua karti thi…


waqt ke sath  har cheez badly….
mai badla meri zindagi badly….
tab samajh aaya ki badi takat hoti hai khamosiyo me ….
Kuch nai rakha hai in pyar ki behosiyo me
log ab muhe janne lage the …mujhe pehchanne lage the ….
Jinki nazro me mai sabse bura tha wo mujhe ab acha manne lage the ……
Ab sab kuch tha ..naye dost , naye log nai manzeele , nai jaan….
Par in sab  se alag mai usse door hota gya …jisse thi kabhi meri pehchan …
Waqt ki dhool ne shayad uski tasveer dhundhli kar di thi ….
Jiske naam kabi maine appni zindagi kar di thi…
Aaj mudato baad use dekha to ye ehsaas hua ….
Ek jamane me unse muhabbat hua karti thi…


Yadein bhi badi ajeeb hoti hai ….hasati bhi hai rulati bhi hai …
Kabi marham banti hai jakhmo ka  to kabi unnhe kured ke satati bhi hai …
Ajab sa ehsaas hua aaj use dekha to …
meethi se chubhan hui aj barso baad jab use socha to
anginat sawal  jehan me ubhar aaye aise - waise…
agar wo pyar tha to mai use bhoola kaise …..
gujre kal me kya use kabi meri yaad nai aai….
Ya fir wo muhhe kabi samajh hi nai paai…
Fir maine khud ko samjhaya ye sab bekar ki batein hai
Ek baar jane  wale kaha laut kar  ate hai ….
Pehle pyar me kya kasis hoti hai ye baat aaj samajh me aayi hai…
Sach kehta hu aaj uski yaad bahoot aai hai …
Kyunki….
Aaj mudato baad use dekha to ye ehsaas hua ….
Ek jamane me unse muhabbat hua karti thi….
                                                        


Raj…………..